செயற்கை நுண்ணறிவுத் தொழில் நுட்பம் (e-Learning – Development and Uses)

செயற்கை – நுண்ணறிவு – தொழில்நுட்பம் - விளக்கம்     

   செயல் + கை =  செயற்கை ஆகும். செயல் என்பது செயல்படுதல், கை என்றால் “ஒழுக்கம்”1 என்பர். அதாவது உணர்தல் எனப் பொருள்படும். இதனை உணர்ந்து செயல்படுதல் என்பதாகும். நுண்மை + அறிவு = நுண்ணறிவு ஆகும். நுண்மை என்றால் “கூர்மை”2 எனப்படும். அறிவு என்பது அறிதல் ஆகும் அதாவது கூர்மையாக அறிதலாகும். தொழில் + நுட்பம் = தொழில்நுட்பமாகும். தொழில்  என்றால் “செயல்”3 என்று பொருளாகும். நுட்பம் என்பது “காலநுட்பம்”4 ஆகும் என்பர் வீரமாமுனிவர். அதாவது காலத்தால் செயல்படும் நுட்பமாகும். செயற்கை நுண்ணறிவு தொழில்நுட்பம் என்பது தக்க கால நுட்பச் செயலால் கூர்மையான அறிவால் உணர்ந்து செயல்படுதலாகும். 

செயற்கை நுண்ணறிவின் தோற்றம்  

   கணினி,கணினித் தொடர்புடையச் சாதனம் எந்திரம் போன்ற இயந்தியரங்களில் காணப்படும் அறிவுக் கூர்மைதான் செயற்கை நுண்ணறிவு என்பர். இது அறிவியல்,பொறியியல் போன்ற துறைகளில் வியக்க வைக்கும்; அறிவை புகுத்தும் தொழில்நுட்பமே நுண்ணறிவு எனலாம். மனிதனைப் போலவே பகுத்தறிந்து சிந்திக்கும் இயந்திரக் கருவிகளைக் கண்டுபிடிக்க முடியும் என்று முதன்முதலில் தெரிவித்தவர் தத்துவஞானி ‘ராமோன்லல் என்பவரே ஆவார். இவர் 13-ஆம் நுற்றாண்டில் வாழ்ந்தவர் என்பர். இவர்தான் செயற்கை நுண்ணறிவின் பிதாமகன் எனக் கூறுவர். ஆனால் செயற்கை நுண்ணறிவு(Artificial Intelligence) ஆர்டிபிசியல் இன்டலிசென்சு எனும் சொல்லை 1955-ல் சான் மெக்கார்த்தி என்பவரே கூறினார். இவரையே செயற்கை நுண்ணறிவின் தந்தை என்பர். 

செயற்கை நுண்ணறிவு கருவிகள் 

மனிதன் தன்னைப் போன்று பகுத்தறியும் கருவிகளை உருவக்கி செயல்பட வைப்பதே செயற்கை நுண்ணறிவாகும் என்பர். “மனிதரின் நுண்ணறிவுத் திறனைச் செயற்கையாக உருவாக்குவதன் வழியாக ஓர் இயந்திரத்துக்கு மனிதரைப் போலவே கற்கும் திறனும் சிந்திக்கும் திறனும் பிரச்சனைகளுக்கு முடிவு காணும் திறனும் இருந்தால் அந்த இயந்திரம் செயற்கை நுண்ணறிவு இயந்திரமாகக் கருதப்படுகிறது. அது ஒரு குறிக்கோளை வைத்துக்கொண்டு மனிதர்களால் கற்றுக் கொடுக்கும் தரவுகளின் அடிபடையில் ஆராய்ந்தும் பகுத்தறிந்தும் தமது குறிக்கோளை அடையும் ஐந்து என்பார் பொதுநல மருத்துவர் கு.கணேசன் அவர்கள். 

செயற்கை நுண்ணறிவுப் பயன்பாடுகள் 

ஓட்டுநர் இல்லா கார் தொழிற்சாலை, மருத்துவத்துறை, வங்கிகள், கல்வித்துறை, மேலாண்மைத்துறை, செய்தித்துறை, நீதித்துறை, தகவல் தொழிலநுட்பத்துறை, விஞ்ஞானத்துறை, பொறியியல்துறை, சமூகவலைதளம், கூகுள், மொழியியல்துறை, வேளாண்மைத்துறை, ஆட்டோமொபைல், ஆசிரியர்பணி வீடியோ விளையாட்டுகள் போன்ற பல்வேறு துறைகளின் வளர்ச்சியில் முக்கியப் பங்காற்றி வருகிறது செயற்கை நுண்ணறிவுத் தொழில் நுட்பம். 

செயற்கை நுண்ணறிவு இயந்திரங்களின் வகைகள் 

கூகுள் எனும் நிறுவனத்தில் பயன்படுத்தப்படும் டீப்மைண்ட் எனக் கூறப்படும் செயற்கை நுண்ணறிவு இயந்திரம். மைசின் என்ற செயற்கை நுண்ணறிவு இயந்திரமும் வாட்சன் சூப்பர் கம்ப்யூட்டர் எனக் கூறப்படும் செயற்கை நுண்ணறிவு இயந்திரமும் மருத்துவத்துறையில் பயன்படுத்தப்படுகின்றன. போக்குவரத்துத்துறையில் மக்களின் கூட்டங்களை மிகத் துல்லியமாகக் காட்டும் கூகிள் நேவிக்கேசன் நாம் சொல்லுகின்றதைக் காதில் கேட்டு பதில் கூறும் அலெக்சா கூகிள் வாய்சு போன்ற பல செயற்கை நுண்ணறிவு இயந்திரங்கள் இன்று பல்கிப் பெருகி வந்துகொண்டிருக்கின்றன. 

கணினியும் செயற்கை நுண்ணறிவும் 

செயற்கை நுண்ணறிவு என்பது கணினியை அடிப்படையாகக் கொண்டு மிக நுட்பமான இயந்திரங்களை உருவாக்கி மனிதனைப் போலவே சிந்திக்க வைக்கும் ஒரு நுண்மையான தொழில்நுட்பந்தான் செயற்கை நுண்ணறிவுத் தொழில்நுட்பம். இத்தொழில் நுட்பத்தைக் கொண்டு வகுப்பறையில் கற்றல் முறையை மேம்படுத்தி வருகிறார்கள். “கணினி வழிக்காட்டுதலாலேயே கற்கும் அளவிற்கு செயற்கை நுண்ணறிவு வலுப்பெற்று வருகிறது”6 என்பர். 

பாடத்திட்டம் தயாரித்தல் முறையில் செயற்கை நுண்ணறிவு 

   இன்றைக்கு தொழில்நுட்ப முறை வளர்ந்து வரும் சூழலில் மாணவர்களுக்கானப் பாடத்திட்டத்தை உருவாக்கப்பட்டு வருகிறது. “தொழில்நுட்பக் கல்வி முறையில் மட்டும் அல்லாமல் மருத்துவக் கல்வி, உயிரிக்கல்வி, மேலாண்மைக்கல்வி, கலை மற்றும் அறிவியல் கல்வி முறையிலும் இனி வரும் காலங்களில் பாடத்திட்டத்தை உருவாக்க செயற்கை நுண்ணறிவு தொழில்நுட்பத்தின் பங்கு இன்றியமையாதது.”7 என்பர். 

வகுப்பறையில் செயற்கை நுண்ணறிவு 

   வகுப்பறையில் மாணவர்கள் பாடங்களைக் கவனிக்கிறார்களா? இல்லையா? என்பதை ஆசிரியர்களாலும் கண்டுபிடிக்க முடியவில்லை, மாணவர்கள் வகுப்பறையில் ஆசிரியரை பார்த்துக்கொண்டே இருந்தாலும் அவர்களின் மனங்கள் எங்கேயோ போய்க்கொண்டு இருக்கின்றன. இவற்றையும் கண்காணிக்க செயற்கை நுண்ணறிவு வந்துவிட்டது.”சீனா,சிங்கப்பூர் போன்ற மத்திய மற்றும் தெற்கு ஆசிய நாடுகளில் கல்வியில் செயற்கை நுண்ணறிவின் பயன்பாடு உச்சத்தைத் தொட்டுள்ளது. உதாரணமாக சீனாவில் சில பள்ளிகளில் வகுப்பறையில் கண்டறிய செயற்கை நுண்ணறிவு நுட்பம் வாய்ந்த கேமராக்கள் மற்றும் மாணவர்களின் மூளையின் செயல்பாடுகளை உடனுக்குடன் ஆசிரியரின் கணினியில் பார்த்து அறிந்துகொள்ளவும் பயன்படுகிறது. பாடத்தில் கவனம் செலுத்தாத மாணவனுக்கு சிறப்பு பயிற்சிகளைக் கொடுக்க பரிந்துரை செய்யும் அளவிற்கு செயற்கை நுண்ணறிவு தொழில் நுட்பம் வளர்ச்சியடைந்துள்ளது.”8 எனப் பேரா,இரா.ராசுக்குமார் குறிப்பிடுகின்றார்.